ԵՐԵՎԱՆ, 20 հունվարի — Sputnik. «Մանչեսթեր Յունայթեդի» հայ կիսապաշտպան Հենրիխ Մխիթարյանը ներառվել է 20 լավագույն տրանսֆերների ցանկում։ Մխիթարյանի տրանսֆերն իրականացվել է Ալեքս Ֆերգյուսոնի ակումբը լքելուց հետո, հայտնում է Sky Sports պարբերականը։
Երկրպագուների շարքում անցկացրած հարցման արդյունքներով պարզ դարձավ, որ Մխիթարյանը մտնում է «Մանչեսթեր Յունայթեդի» լավագույն տրանսֆերների եռյակի մեջ։
Առաջին տեղում է շվեդ հարձակվող Զլատան Իբրագիմովիչը` 2.6 հազար ձայնով, երկրորդ տեղում` իսպանացի կիսապաշտպան Խուան Մաթանի տրանսֆերն է` 2.5 հազար ձայնով։ ՄՅ երկրպագուները Մխիթարյանին 2.3 հազար ձայն են տվել։
Ալեքս Ֆերգյուսոնը 2013 թվականին լքել է «Մանչեսթեր Յունայթեդ» ֆուտբոլային ակումբի գլխավոր մարզչի պաշտոնը` ելնելով ընտանեկան հանգամանքներից։ Այժմ ակումբի մարզիչը Ժոզե Մոուրինյուն է։
