ԵՐԵՎԱՆ, 19 հունվարի — Sputnik. ՀՀ արտգործնախարար Շավարշ Քոչարյանի խոսքով` Հայաստանը զբաղվում է Արցախ այցելած և դրա համար ձերբակալված Ալեքսանդր Լապշինի գործով։ Քոչարյանի խոսքով` դժվար է կանխատեսել, թե ինչպես կլուծվի հարցը, քանի որ Ալիևի իշխանությունն անտեսում է միջազգային իրավունքի ցանկացած նորմ։
«Ակնհայտ է, որ դա կոպտագույն խախտում է տեղաշարժի իրավունքի, խոսքի ազատության իրավունքի տեսանկյունից»,-ասաց նա։
Քոչարյանը տեղեկացրեց, որ մի շարք կառույցներ ու պետություններ արդեն արձագանքել են։
«Եղել է նաև Ռուսաստանի արտգործնախարար Սերգեյ Լավրովի գնահատականը, որը կարելի է դրական գնահատել»,- ասաց Քոչարյանը։
Հիշեցնեք, որ Ալեքսանդր Լապշինն այցելել էր Լեռնային Ղարաբաղ ու իր բլոգում պատմել այդ ուղևորության մասին։ Նա քննադատաբար էր խոսել Ադրբեջանի ղեկավարության մասին։ Այնուհետև նա մեկնել էր Բելառուս, որտեղ նրան կալանավորել էին, իսկ պաշտոնական Բաքուն պահանջել է Լապշինին Ադրբեջան արտահանձնել։
ՌԴ արտգործնախարար Սերգեյ Լավրովը 2016թ-ի ամփոփիչ ասուլիսի ժամանակ հայտարարել է, որ դեմ է ռուս բլոգեր Ալեքսանդր Լապշինի արտահանձնմանն Ադրբեջանին, դեմ է նաև նրա դեմ հարուցված քրեական գործով առաջադրված մեղադրանքին:
