ԵՐԵՎԱՆ, 19 հունվարի — Sputnik. ՀՀԿ ԳՄ այսօր կայացած նիստում անդրադարձ է եղել ՌԴ ԱԳ նախարար Սերգեյ Լաբրովի՝ ԼՂ հակամարտության կարգավորման մասին հնչած տեսակետին։
«ԵԱՀԿ ՄԽ համանախագահ երկրի ԱԳ նախարարը շատ հստակ, դիպուկ պատասխան է տվել, որ սա Ադրբեջանի ներքին գործը չէ, այսինքն՝ Ադրբեջանը չէ, որ պետք է որոշի։ Սա նշանակում է, որ Ասրբեջանի պնդումը, թե ԼՂ կարգավիճակը կարող է լինել միայն ինքնավար մարզի կարգավիճակով, ՄԽ համանախագահ երկրներից մեկի ԱԳ նախարարը շատ հստակ հերքել է, և երկրորդ՝ նա ասել է այն, ինչ տարիներ շարունակ ասել է հայկական կողմը. առանց ԼՂ կարգավիճակի հստակեցման այս խնդիրը չի կարող լուծվել»,- ասաց Շարմազանովը։
Լավրովի պատասխանը հստակություն մտցրեց, նշեց Շարմազանովը՝ հույս հայտնելով, որ ռուսական կողմը կշարունակի պնդել այդ տեսակետը։ Նույն հստակ գնահատականները նա ակնկալում է համանախագահ մյուս երկրներից։
