ԵՐԵՎԱՆ, 17 հունվարի — Sputnik. Հայազգի հեռուստաաստղ Քիմ Քարդաշյանը քույրերի` Քայլիի և Քենդալ Ջենների հետ, նկարահանվել է «Օուշենի ութ ընկերուհիները» ֆիլմում, հաղորդում է Hello ասմագիրը։ Քարդաշյան քույրերը և Ջենները, որոնք նկարահանումների համար ժամանել են Նյու Յորք, խաղացել են հրավիրված աստղերի դերերում։
«Օուշենի ութ ընկերուհիները» ֆիլմում գլխավոր դերերում հանդես են գալու Ռիհանան, Սանդրա Բուլոքը, Քեյթ Բլանշեթը: Նկարահանումներն անցկացվում են Նյու Յորքում, իսկ պրեմիերան կայանալու է 2018 թվականի հունիսի 8-ին: Ռեժիսորը Գերի Ռոսն է, որի խնդիրն է՝ ֆիլմին ապահովել նույն հաջողությունը, ինչ ունեցել է Ջորջ Քլունիի և Բրեդ Փիթի մասնակցությամբ «Օուշենի ընկերները» ֆիլմը:
Սյուժեի համաձայն, ֆիլմում Քիմը քույրերի հետ հայտնվելու է Met Gala-ի կարմիր գորգին:
Ի դեպ, Քիմից բացի, ֆիլմի տեսարաններում կտեսնենք նաև Աննա Վինտուրին, Ադրիանա Լիմային և Քեթի Հոլմսին:
Kim Kardashian and sister Kendall Jenner match for Ocean's Eight cameo https://t.co/kkknmZab34 pic.twitter.com/HWtLQw3lLn
— Daily Mail Celebrity (@DailyMailCeleb) 17 января 2017 г.
