ԵՐԵՎԱՆ, 16 հունվարի — Sputnik. Հանրապետության տարածքում hունվարի 16-20-ին սպասվում է առանց տեղումների եղանակ, Արարատյան դաշտում, Արագածոտնի և Վայոց ձորի նախալեռնային գոտիներում հատկապես գիշերը և առավոտյան սպասվում է մառախուղ: Այս մասին հայտնում է «Հիդրոմետ» ծառայությունը:
«Քամին կլինի հյուսիս-արևմտյան՝ 3-8 մ/վրկ արագությամբ: Օդի ջերմաստիճանն էապես չի փոխվի»,- նշված է հաղորդագրության մեջ:
Երևանում հունվարի 16-20-ն ընկած ժամանակահատվածում սպասվում է ամպամածություն և մառախուղ, մառախուղից թույլ ձյուն:
Մայրաքաղաքում ցերեկային ժամերին օդի ջերմաստիճանը կտատանվի —5-ից —7 աստիճանի, գիշերային ժամերին՝ —10-ից —12 աստիճանի սահմանում:
