ԵՐԵՎԱՆ, 11 հունվարի — Sputnik, Լաուրա Սարգսյան. «Գազպրոմ-էքսպորտի» առաջարկը, որը նախօրեին հնչել է Վրաստանի էներգետիկայի նախարարի, փոխվարչապետ Կախա Կալաձեի կողմից, Մինսկում, Վրաստանի կառավարության կողմից գնահատվել է որպես օպտիմալ։
«Պայմանագիրը կնքվել է երկու տարով։ Առաջին տարում վճարը մասամբ կիրականացվի հումքով, այնուհետև, միջազգային չափանիշների համաձայն, կողմերը կանցնեն դրամական հաշվարկների», — լրագրողների հետ հանդիպմանը հայտարարել է Կախա Կալաձեն։
Նրա խոսքով` դա ստեղծված իրավիճակում ամենաօպտիմալ որոշումն էր։ Ինչ վերաբերում է տարանցման արժողությանը, ապա, էներգետիկայի նախարարի խոսքով, այն ամենաբարձրերից մեկն է Եվրոպայի երկրների շարքում։ Անհրաժեշտության դեպքում, սեզոնային պահանջմունքները բավարարելու համար, Վրաստանը կարող է արտոնյալ սակագներով գազի լրացուցիչ ծավալներ ստանալ։ Պաշտոնական Թբիլիսին «Գազպրոմից» կապույտ վառելիք կգնի շահավետ սակագներով. հազար խորանարդ մետր գազի դիմաց 185 դոլար` 215 դոլարի փոխարեն։
Այսօր Թբիլիսին տարանցման դիմաց Բաքու-Թբիլիսի- Էրզրում գազատարից, որը պատկանում է բրիտանական British Petroleum նավթային ընկերությանը, ստանում է 5 տոկոս կամ 300 մլն խորանարդ մետր գազ։ Ընկերությունն արդյունահանում է 6-7 մլրդ խմ գազ, մնացած 85 տոկոսը կամ 1,5 մլրդ խմ գազը Վրաստանը ստանում է Գազիմահոմեդ-Ղազախ մայրուղային գազատարով, SOCAR-ից։ Մնում է գուշակել, թե Վրաստանը որտեղից կգնի պակասող 200 մլն խմ գազը` «Գազպրո՞մից», Ադրբեջանի՞ց, թե՞ Իրանից։
Տվյալ ապհին Ադրբեջանն ի վիճակի չէ Վրաստանում ծածկել բնական գազի դեֆիցիտն այնքան ժամանակ, մինչև չի գործարկվի «Շահ Դենիզ 2» հանքավայրի նախագիծը։ Այսօր Ադրբեջանն ինքն էլ դժվարություններ ունի կապույտ վառելիքի հարցում և բանակցություններ է վարում «Գազպրոմի» հետ շուրջ 1 մլրդ խմ գազ գնելու մասին։
Հայտնի է, որ Վրաստանը մասամբ կազատվի գազային կախվածությունից 2019թ-ին «Շահ Դենիզ 2» ադրբեջանական հանքավայրի նախագծի երկրորդ փուլի, ինչպես նաև Tanap և Tap նախագծերի մշակման դեպքում, որոնցում նա ռազմավարական դեր է խաղում։ Այդ նախագծերը մեծ դեր են խաղում «Հարավային գազային միջանցքի» իրագործման մեջ, որը ենթադրում է «Շահ Դենիզ 2»-ի ադրբեջանական գազի տեղափոխում։ Tanap-ը կանցնի Թուրքիայի արևելյան սահմանից մինչև արևմտյան և կմիանա Tap-ին, որը գնում է Հունաստան, Ալբանիա, Ադրիատիկ ծովով դեպի Իտալիայի հարավ։
Версия материала на русском языке
