Ամանորի դեպրեսիայի մասին խոսում է ոչ միայն ժողովուրդը: Առողջապահության համաշխարհային կազմակերպությունը նույնպես պնդում է, որ տարվա այդ տոնական շրջանում տիրում է ոչ միայն ուրախությունն, այլ նաև դեպրեսիան։
Փորձենք պարզել, թե ինչը կարող է դառնալ այսպես կոչված «Ամանորի դեպրեսիայի» պատճառ։
«Մեծ քաղաքի սինդրոմ»
Եթե դուք ապրում եք մեծ քաղաքում, բազմամարդ մայրաքաղաքում, որտեղ արդեն սկսվել է նախատոնական իրարանցումը, ապա դա կարող է դեպրեսիայի առաջացման պատճառ դառնալ։ Երբ մարդը հայտնվում է ժամանակակից քաղաքի հորձանուտում, նրա հոգեվիճակը կարող է հարվածի տակ հայտնվել։
Կրկին ձնամրրիկ
Հայաստանում ձմեռը բացասաբար է անդրադառնում շատ մարդկանց վրա, քանի որ այստեղ հիմնականում գերիշխում են արևոտ ու տաք օրերը։ Օրգանիզմը վարժվում է ամառվա շոգին կամ ուղղակի տաքությանը, իսկ երեք ամսվա ցուրտը ոմանց համար ուղղակի անտանելի է դառնում։
Հենց ցուրտն է փչացնում մարդու տրամադրությունը, նա դժկամությամբ է պատրաստվում տոներին։ Ի դեպ, ինչպես նշում են որոշ մասնագետներ, ցրտերն ազդում են մարդու ախորժակի վրա (այն ձմռանը բացակայում է), առաջանում է ճնշվածության, վհատության զգացողություն, անհանգիստ վիճակին կարող է ավելանալ նաև անքնությունը։
Գրպանում մկներն են խաղում
Ինչպես ցանկացած երկրում, այնպես էլ Հայաստանում հիմնական խնդիրներից մեկը ֆինանսական է։ Նվերների և «բոլոր չափանիշներին համապատասխան առատ սեղանի» համար արվող մեծ ծախսերի հետևանքով մարդը սթրեսի մեջ է ընկնում։
Վատ տրամադրության ևս մեկ պատճառը հանուն տոնական շքեղության և փայլի վերցրած վարկերն ու պարտքեր են։ Չէ՞ որ պետք է մթերքների առատությամբ` խուզի բդով, թանկարժեք կոնյակներով ու բազմազան խորտիկներով զարմացնել հարևաններին։
Եթե դուք սիրում եք նման բաների վրա փող ծախսել, ապա հետո մի բողոքեք դատարկ դրամապանակից, կյանքի «անարդարությունից» և ընկերների կամ հարազատների հետ զբոսնելու հնարավորության բացակայությունից։
Նյութի ռուսերեն տարբերակը
