ԵՐԵՎԱՆ, 7 հունվարի — Sputnik. Սիրիայի կառավարության անդամների նիստը կայացել է Դամասկոսում: Վարչապետ Իմադ Համիսի գլխավորած նիստի ընթացքում քննարկվել է Հալեպի վերականգնման հարցը: Այս մասին հայտնում է SANA գործակալությունը:
Նախարարների խորհուրդը ծրագիրն ընդունել է պետական և կոմունալ ծառայությունների, քաղաքում արտադրությունը վերականգնելու, ինչպես նաև անվտանգության հետագա ամրապնդման փուլային մարտավարական պլանի հիման վրա: Նիստի ժամանակ ձևավորվել է Կենտրոնական աշխատանքային խումբ, որում ընդգրկվել են նախարարները:
«Այդ մարմինը պետք է հետևի և վերահսկի այն վայրերն ու ոլորտները, որտեղ բնականոն կյանքի վերականգմանն ուղղված պետական միջոցառումներ են իրականացվում», — գրում է պարբերականը:
Սիրիական բանակի հրամանատարությունը դեկտեմբերի 22-ին պաշտոնապես հայտարարել է, որ Հալեպն ազատագրվել է ահաբեկիչներից:
Նյութի ռուսերեն տարբերակը:
