ԵՐԵՎԱՆ, 5 հունվարի — Sputnik. JACDEC (Jet Airliner Crash Data Evaluation Centre) ավիացիոն անվտանգության կենտրոնի մասնագետների փորձագիտական գնահատականների համաձայն` աշխարհի ամենաանվտանգ ավիաընկերությունը Cathay Pacific հոնկոնգյան ընկերությունն է, որը մտնում է Oneworld դաշինքի մեջ, հայտնում է Bild-ը` հղում անելով JACDEC կենտրոնի կայքին:
Երկրորդ տեղում է Նոր Զելանդիայի Air New Zealand ավիաընկերությունը, երրորդ և չորրորդ տեղերում համապատասխանաբար` չինական Hainan Airlines-ն ու Qatar Airways-ը: Առաջատարների հնգյակը փակում է հոլանդական KLM-ը` միակ եվրոպական ընկերությունը:
Վարկանիշը կազմվել է 2016 թվականի ավիացիոն միջադեպերի վիճակագրության հիման վրա, սակայն այսօրվա դրությամբ միայն տվյալների մի մասն է հրապարակած: Վերջնական տարբերակով, որը հանրությանը կներկայացվի հունվարի 18-ին, կհաղորդվի 60 ավիաընկերության տվյալ:
Ներկա պահին հայտնի է, որ վարկանիշի տասներորդ տեղում է ճապոնական Japan Airlines ավիափոխադրողը, 12-րդ տեղում` գերմանական Lufthansa-ն, 60-րդ տեղում` չինական China Airlines-ը: Cathay Pacific ավիաընկերությունը տեղակայված է Հոնկոնգի միջազգային օդանավակայանում և հինգ մյուս ավիափոխադրողի մեջ Skytrax վարկանիշի հինգ աստղի է արժանացել:
Նյութի ռուսերեն տարբերակը
