Տու-154 ինքնաթիռի մասնակցությամբ աղետները.
2001թ-ի հուլիսի 3-ին Եկատերինբուրգ-Իրկուտսկ-Վլադիվոստոկ ուղղությամբ չվերթ կատարող ինքնաթիռը (գրանցման համարը՝ RA-85693) մի քանի պտույտ է կատարել օդում և ընկել նշանակման կետի օդավակայանի շրջակայքում: Պատճառը վայրէջք կատարելիս օդաչուի սխալն է եղել:
2001թ-ի հոկտեմբերի 4-ին RA-85693 համարի ինքնաթիռը, որը կատարել է Տել Ավիվ-Նովոսիբիրսկ չվերթը, վթարի է ենթարկվել Սև ծովի վրա: Վարկածը, որ ինքնաթիռը կործանվել է երկիր-օդ հրթիռի սխալ գործարկման պատճառով (Ուկարինայի ՀՕՊ զորավարժությունների ժամանակ) հաստատվել է միջազգային համապատագսխան կազմակերպությունների կողմից:
2002թ-ի փետրվարի 12-ին Իրանում՝ Հորեմաբադ օդանավակայանի մոտ, վթարի է ենթարկվել EP-MBS համարի ինքնաթիռը: Վարկածն օդաչուի սխալն է (վայրէջք կատարելիս հարվածել է սարին):
2002թ-ի հուլիսի 1-ին Գերմանիայում վթարի է ենթարկվել RA-85816 ինքնաթիռը: Պատճառը դիսպետչերի սխալն է եղել:
2006թ-ի օգոստոսի 22-ին RA-85185 ինքնաթիռը, որը կատարել է Անապա-Սանկտ Պետերբուրգ չվերթը, կործանվել է Ուկրաինայի տարածքում: Պատճառը՝ օդաչուի սխալն է:
2006թ-ի սեպտեմբերի 1-ին վայրէջք կատարելու ժամանակ EM-MCF ուղևորատար ինքնաթիռը, որը կատարել է Բանդեր-Աբաս-Մեշհեդ չվերթը, վթարվել է: Պատճառը տեխնիկական խափանումն է (վայրէջքի ժամանակ շասսիի անիվները պայթել են):
2009թ-ի հուլիսի 15-ին կործանվել է EP-CPG ուղևորատար ինքնաթիռը: Ինքնաթիռն իրականացնում էր Թեհրան-Երևան պլանային չվերթը: Պատճառը եղել է շարժիչի տեխնիկական անսարքությունը:
2010թ-ի դեկտեմբերի 4-ին Մոսկվայի «Դոմոդեդովո» օդանավակայանում թռիչքից հետո Ту-154М ինքնաթիռի շարժիչը խափանվել է: Այն կատարում էր Մոսկվա-Մախաչկալա չվեերթը: Ինքնաթիռը կարողացել է վերադառնալ օդանավակայան, բայց դուրս է եկել թռիչքուղու սահմաններից:
2011թ-ի հունվարի 1-ին Սուրգուտ-Մոսկվա չվերթը կատարող ինքնաթիռը (գրանցման համարը՝ RA-85588) այրվել է՝ չհասցնելով դուրս գալ Սուրգուտի օդանավակայանի թռիչքուղու սահմաններից:
Պաշտոնական վիճակագրության համաձայն, 10 աղետը (չհաշված այսօրվա ողբերգությունը) խլել է 878 մարդու կյանք՝ չհաշված այսօրվա ողբերգությունը:
Տու-154 ինքնաթիռը շահագործվում է 1972թ-ից (հենց այդ ժամանակ է կատարվել առաջին ուղևորատար չվերթը:
Նյութի ռուսերեն տարբերակը
