Զառա–Զառա, քեզ ձայն տալը շառ ա. Քաղաքական գործիչների փիլիսոփայությունները

Գոհար Սարգսյան, Sputnik.

Հայաստանի ներքաղաքական կյանքը շարունակում է ուղղորդվել վայրիվերումներով, փիլիսոփայություններով ու անհեթեթ թվացող արտահայտություններով։ Հայաստանցիներից շատերը կարծում են, որ քաղաքականությունը շոու է, նստում են հեռուստացույցի առջև ու դիտում հերթական ներկայացումը։

Ոմանք էլ չգիտեն` ծիծաղեն թե լացեն այնպիսի դրվագներից, ինչպիսին, օրինակ, ԱԺ պատգամավոր Հակոբ Հակոբյանի դեպքում էր։ Նա կարծիսք հայտնեց, որ հանրությունը սիրում ու գնահատում է վարչապետ Կարապետյանին, իսկ երբ լրագրողներից մեկը հարցրեց, թե արդյո՞ք նա վերլուծություն է անցկացրել, Հակոբյանը դրական պատասխան տվեց` հայտնելով, որ իր անցկացրած հարցումը տեղի է ունեցել հարազատներից մեկի «պանիխիդայի» ժամանակ։ Քաղաքական գործիչների թևավոր խոսքերը` ստորև։

ՀՀ ԱԺ խոսնակ Գալուստ Սահակյան. Տարբեր տեղեր ես երբեք չեմ որոշում, թե որտեղ եմ

ՀՀ ԱԺ փոխխոսնակ Էդուարդ Շարմազանով. Կանայք հայոց աշխարհի, հանդա՛րտ, Զառա-Զառա, քեզ ձայն տալը շառ ա։

ՀՀ ԱԺ խոսնակ Գալուստ Սահակյան. Խնդրում եմ ձայնները կտրել և լսել։ Կառավարության…մի րոպե հնարավո՞ր չի, դա ո՞վ է որ։

ՀՀ ԱԺ պատգամավոր Վարդան Այվազյան. Ամենահարուստը ես եմ

ՀՀ ԱԺ պատգամավոր Մարտուն Գրիգորյան. Փեսա չունեմ, զոքանչի առումով էլ չկա նման բան

ՀՀ ԱԺ պատգամավոր Հովհաննես Մարգարյան. Արդեն ապօրինաբար հարստացան, թալնին, պրծան, էլ բան չկա, որ ապօրինաբար անեն ու հարստանան։

ՀՀ վարչապետ Կարեն Կարապետյան. Եթե դուք մարզպետարանում, մարզում չիմանաք` որտեղ է պետք փողը դնել, որ շահույթ ունենաք, ոչ մեկ փող չի դնելու։ Կծըֆըռ բան ենք անելու ու ոչ մի բան տեղից չի պոկվելու։

ՀՀ ԱԺ ՀՀԿ խմբակցության ղեկավար Վահրամ Բաղդասարյան. Սերժ Սարգսյանը Հանրապետական կուսակցության առաջնորդն է։

ՀՀ վարչապետ Կարեն Կարապետյան(մենախոսություն). Հայկ, քեզ ո՞նց ա թվում` ես որ մարդկանց հետ հանդիպում եմ, անպայման պետք է գազից խոսե՞մ։

ՀՀ վարչապետ Կարեն Կարապետյան. Ես եկե՞լ եմ ընդամենը 6 ամիս աշխատելու

— Ոչ։

— Ցանկություն ունե՞մ երկարատև աշխատելու։

— Եթե հաջողակ լինեմ՝ այո։

ՀՀ ԱԺ պատգամավոր Առաքել Մովսիսյան. Դու բաբչկով ես, ո՞նց կարող եմ թողնեմ, ինձ փաթաթվես։

ՀՀ Սփյուռքի նախարար Հրանուշ Հակոբյան. Բոլոր դեպքերում ես նախընտրում եմ դասական ձևերը։

ՀՀ ԱԺ պատգամավոր Առաքել Մովսիսյան. Կապրենք՝ կտեսնենք, կարող ա մի քայլ դուրս գաս, ընկնես, մեռնես։

Ռուսաստանի հայերի միության նախագահ Արա Աբրահամյան. Ես ամուսնացա ռուս աղջկա հետ, որ ռուսերեն սովորեմ, բայց չկարողացա։

ՀՀ ԱԺ պատգամավոր Տիգրան Ուրիխանյան. Պատգամավորը սուտ է ասում, երբ նրա շուրթերը շարժվում են։

ՀՀ ԱԺ պատգամավոր Սեյրան Սարոյան. Դու ո՞ր տելեվիզրից ես, հլը խոսա։

Երևանի քաղաքապետի տեղեկալ Կամո Արեյան. Առաջին սերը, ինչպես որ հացը, միշտ կուտ է գնում, առաջին ձյունը, ինչպես սերը, միշտ հալվում է ու գնում։