Վյաչեսլավ Բոնչա, հատուկ Sputnik-ի համար
Աքաղաղը միշտ էլ լավ լուրի խորհրդանիշ է եղել: Հենց աքաղաղն է ազդադարում գիշերվա ավարտը: Նրանք, ովքեր վաղ են արթնանում, հաջողակ ու երջանիկ կլինեն:
2017թ-ը Հրեղեն աքաղաղի տարի է: Կրակի տարերքն ու կարմիր գույնն ակտիվություն և էներգիա են խորհրդանշում, սակայն անխուսափելի են նաև բախումները: Հետևաբար Աքաղաղի տարում պետք է հետևել արդարության և խաղաղության կանոններին: Տարվա խորհրդանիշի համար սուտը համարվում է անարգանք: Չի կարելի «խոսքերը քամուն տալ» և դատարկ խոստումներ հնչեցնել:
Տարին բարենպաստ է ընտանիք կազմելու համար: Յուրաքանչյուր աքաղաղ ունի իր հավաբունը, ուստի տարին հաջողակ է նրանց համար, ովքեր կաշխատեն կոլեկտիվում և հաշվի կառնեն գործընկերների շահերը:
Ինչպե՞ս կազդի Աքաղաղի տարին Համաստեղության տարբեր նշանների վրա:
Առնետի տարում ծնվածների համար (1936, 1948, 1960, 1972, 1984, 1996) Աքաղաղի տարին դինամիկ կլինի, հնարավոր է հաջողությունների հասնել կարիերայում, բայց պետք չէ վիճել ղեկավարության հետ: Զգոն եղեք, և ձեր վաղեմի երազանքները կիրագործվեն: Հիշեք՝ նա, ով մյուսներից լավ է իր գործն անում, նրա հանդեպ պահանջներն ավելի մեծ են:
Ցլերին (1937, 1949, 1961, 1973, 1985, 1997) Աքաղաղի տարին հեղինակության ամրապնդում կբերի: Բարեհաջող են ճանապարհորդությունները: Գլխավորը՝ չծուլանալ և արկածախնդրությունների մեջ չընկնել: Կառուցեք ծրագրեր, զբաղվեք երկարաժամկետ նախագծերով, ավելի շատ շփվեք համախոհների հետ: Մի դավաճանեք ձեր գաղափարներին և երազանքներին՝ տուրք տալով ակնթարթային գործողություններին:
Վագրի տարում ծնվածների համար (1938, 1950, 1962, 1974, 1986, 1998) տարին բարդ կլինի: Հնարավոր են բազմաթիվ փորձություններ, զինվեք համբերությամբ խոչընդոտները հաղթահարելու համար: Մի հրաժարվեք ձեր մտադրություններից: Կարելի է ուղղել նախկին սխալները: Աքաղաղի տարին Վագրերին կյանքի անգնահատելի փորձ կնվիրի:
Կատուների համար (1939, 1951, 1963, 1975, 1987, 1999) տարին փոփոխական կլինի: Պետք չէ ռիսկի դիմել: Լսեք գործընկերների կարծիքը և հաշվի առեք հասարակության շահերը: Եսասիրական ձգտումները կարող են ցավալի ավարտ ունենալ: Փորձեք ամեն ինչ լուծել խաղաղությամբ:
Վիշապի տարում ծնվածների համար (1940, 1952, 1964, 1976, 1988, 2000) տարին գործնական և աշխատանքային կլինի: Կատարեք նախկինում ստանձնած պարտավորությունները: Տարին լավն է կախվածությունից ազատվելու և պարտքերը մարելու համար: Մի գնացեք արկածախնդրությունների, հատկապես՝ ֆինանսական հարցերում: Համբերությունը կօգնի բարդ իրավիճակներում:
Օձի տարում ծնվածների համար (1941, 1953, 1965, 1977, 1989, 2001) Աքաղաղի տարին կարող է բերել տոնի պատրանքային զգացողություններ, մի՛ թուլացեք և մի՛ ծուլացեք: Զբաղվեք ստեղծագործական աշխատանքով և կպարգևատրվեք: Կարող եք հասարակական առաջնորդ դառնալ, եթե հաշվի առնեք կոլեկտիվի շահերը:
Ձիերը (1942, 1954, 1966, 1978, 1990, 2002) Աքաղաղի տարում պետք է աշխատեն հանուն տան և ընտանիքի բարօրության: Դուք ստանձնում եք պաշտպանի դերը: Տարվա երկրորդ կեսին հոգ տարեք երեխաների և սիրելիների մասին: Բարդ իրավիճակներում կօգնի ստեղծագործելը:
Այծի տարում ծնվածների համար (1943, 1955, 1967, 1979, 1991, 2003) Աքաղաղի տարին վառ և հետաքրքիր կլինի, սակայն պետք է շատ աշխատել: Փորձեք խուսափել վեճերից ու զտեք այն ամենը, ինչ կլսեք և կտեսնեք:
Կապիկի տարում ծնվածների համար (1944, 1956, 1968, 1980, 1992, 2004) Աքաղաղի տարին հանգիստ կլինի: Փորձեք համալրել ձեր գիտելիքների և կարողությունների պաշարը: Խուսափեք պարտքերից: Ավելի շատ ուշադրություն հատկացրեք ծնողներին:
Աքլորների համար (1945, 1957, 1969, 1981, 1993, 2005) նոր տարին հաջողակ կլինի: Սակայն հիշեք՝ թևերը ծալած նստելու դեպքում հաջողությունը չի թակի ձեր դուռը: Ձեր ջանքերն ուղղորդեք կոլեկտիվ և հասարակական գործերի: Փորձեք խուսափել վեճերից:
Շների համար (1946, 1958, 1970, 1982, 1994, 2006) Աքաղաղի տարին երկակի կլինի: Փորձեք մնալ ստվերում և խանդավառությամբ կատարեք ձեր գործը: Հետևեք առողջությանը: Զերծ մնացեք պարտք տալուց: Տարվա երկրորդ կեսն ավելի բարենպաստ կլինի:
Խոզի տարում ծնվածներին (1947, 1959, 1971, 1983, 1995, 2007) Աքաղաղը փորձություններ կբերի: Պատրաստվեք մեծ փոփոխությունների: Ծրագրեր կազմեք և ավելի շատ շփվեք ընկերների հետ: Տարվա երկրորդ կեսին ժամանակ գտեք հանգստի համար:
Հիշեցնենք, որ աստղերը հուշում են, բայց ձեր ճակատագրի տերն ու տիրակալը դուք ինքներդ եք:
Աղբյուրը՝ Sputnik Բելառուս
