ԵՐԵՎԱՆ, 25 դեկտեմբերի — Sputnik. Մոսկվայում բնակվող օդաչու Վլադիմիր Տոլյուպան Sputnik Արմենիային տված հարցազրույցում կարծիք է հայտնել, որ այժմ կողմնակի նշաններով անհնար է խոսել այն մասին, թե ինչը կարող էր հանգեցնել ինքնաթիռի թռիչքի ողբերգական հետևանքներին:
«Տու-154 ինքնաթիռը շատ հուսալի է և տարիներով փորձված: Շահագործման պայմանները շատ խիստ են»,- ասաց նա:
Վլադիմիր Տոլյուպան ծնվել է Երևանում և օդաչուի կարիերան սկսել է Հայաստանում: Եղել է Տու-154 ինքնաթիռի հրամանատար՝ այդ օդանավով թռչելով շուրջ 10 տարի: Դրանով չվերթեր է կատարել նաև Աֆղանստան: 40 տարվա կարիերայի ընթացքում նա բազմից վայրէջք և թռիչք է կատարել Ադլերի օդաննավակայանից:
«Այդ օդանավակայանը շատ լավն է, լավն են թե՛ թռիչքուղին, թե՛ սպասարկումը», — նշեց նա:
Հիշելով 2006թ-ի ողբերգությունը, երբ Երևան-Սոչի չվերթն իրականացնող ինքնաթիռն ընկել էր Սև ծովը, Տոլյուպան ասաց, որ այդ ժամանակ անձնակազմը հայտնվել էր բոլորովին այլ հանգամանքներում: Ինքնաթիռը երկրորդ անգամ փորձել էր վայրէջք կատարել և հայտնվել էր շատ բարդ պայմաններում՝ ցածր բարձրության վրա:
«Օդաչուներն ասում են. վերելքը վտանգավոր է, թռիչքը՝ հիանալի, վայրէջքը՝ բարդ», — ասաց օդաչուն:
Նրա կարծիքով՝ այսօրվա ողբերգության առավել հավանական գործոն կարող է լինել տեխնիկական խափանումը կամ օդաչուի սխալը:
Նյութի ռուսերեն տարբերակը
