ԵՐԵՎԱՆ, 25 դեկտեմբերի — Sputnik. Տու-154 ինքնաթիռում եղել է երեք դաշնային հեռուստաալիքների ներկայացուցիչ և Ալեքսանդրովի անվան համույթի 64 երաժիշտ:
Ինքնաթիռը թռչում էր Հմեյմիմ ավիաբազա՝ ռուս զինվորականների Ամանորը շնորհավորելու համար: Նախնական տվյալների համաձայն՝ ինքաթիռի կործանման պատճառ է դարձել տեխնիկական անսարքությունը կամ օդաչուի թույլ տված սխալը: Մասնագետները սպասում են սև արկղերը բարձրացնելուն և ինքնաթիռի ինքնագիրներին՝ ողբերգության պատճառները պարզելու համար:
Ռուսաստանի պաշտպանության նախարարությունը հրապարակել է զոհերի անունները:
Լրագրողներ
Առաջին ալիքը, ՆՏՎ հեռուստաալիքը և «Զվեզդան» հաղորդել են աշխատակիցների անունները, որոնք գտնվել են Սև ծովում կործանված Տու-154 ինթնաթիռում:
Առաջին ալիքի նկարահանող խումբ՝ թղթակից Դմիտրի Ռունկով, օպերատոր Դմիտրի Դենիսով և հնչյունային օպերոտր Ալեքսանդր Սոյդով:
ՆՏՎ-ի նկարահող խումբ՝ թղթակից Միխայիլ Լուժեցկի, օպերատոր Օլեգ Պեստով, հնչյունային օպերատոր Եվգենի Տոլստով:
«Զվեզդա» հեռուստաընկերության նկարահանող խումբ՝ թղթակից Պավել Օբուխով, օպերատոր Ալեքսանդր Սուրանով, օպերատորի օգնական Վալերի Ռժեվսկի:
Քրեական գործ
Ինքնաթիռի կործանման փաստով հարուցվել է քրեական գործ թռիչքների կանոնների խախտման փաստի մասին հոդվածով, կիրակի օրը հաղորդել է Ռուսաստանի քննչական կոմիտեի ԶԼՄ-ների հետ կապերի վարչության ղեկավարի պաշտոնականար Սվետլանա Պետրենկոն:
Պուտինը սպասում է իրավիճակի պարզաբանմանը
ՌԴ նախագահ Վլադիմիր Պուտինին միանգամից հայտնել են, որ ՊՆ ինքնաթիռն անհետացել է ռադարներից:
«Այժմ ամբողջ տեղեկատվությունը մշտապես զեկուցվում է»,- ասել է ՌԴ նախագահի մամուլի քարտուղար Դմիտրի Պեսկովը:
Նա հաղորդել է, որ տվյալ պահին ինչ-որ բան ասելը վաղ է, և պետության ղեկավարը սպասում է, թե իրավիճակը երբ ամբողջությամբ կպարզաբանվի:
Նյութի ռուսերեն տարբերակը
