ԵՐԵՎԱՆ, 24 դեկտեմբերի — Sputnik. Այսպիսին են GALLUP International association ընկերության հայաստանյան գրասենյակի կողմից Երևանում դեկտեմբերի 7-19-ը անցկացրած հետազոտության տվյալները: Ամենասպասված նվերների ցանկում հաջորդը կոշիկն ու հագուստն են: Նման ցանկություն են հայտնել հարցվածների 15%-ը, սակայն նման նվերներ անել ավելի քիչ մարդ է մտադիր` 36%-ը, լրագրողների հետ հանդիպման ժամանակ ասաց GALLUP International հայկական գրասենյակի տնօրեն Արամ Նավասարյանը:
Խելացի հեռախոս կցանկանային ունենալ երևանցիների 14%-ը, սակայն նման նվեր գնել կարող է թույլ տար հարցվածների միայն 7%-ը, այն էլ՝ երևի, սիրահարվածների շարքից: 41%-ը, որոնք առանձնահատուկ երևակայությամբ չեն տարբերվում, պատրաստվում են խաղալիք գնելով պրծնել, սակայն պետք է հաշվի առնել, որ նման նվերի մասին երազում է բնակչության միայն 1%-ը, և ակնհյատ է, որ դրանք երեխաները չեն:
Երևանի բնակիչների 21%-ն, առանց խորամանկությունների ցանկանում է հարազատներին և մտերիմներին աքսեսուրներ նվիրել, սակայն նման երջանկության սպասում է հարցվածների միայն 9%-ը: Նույն պատմությունը նաև հուշանվերների հարցում է. 28%-ը կարծում է, որ դա հրաշալի նվեր է, սակայն միայն հարցվածների 9%-ն է նման առաջարկին ոգևորվածությամբ վերաբերվում:
Հոգեպես հարստանալ և գիրք նվեր ստանալ ցանկացել են 800 հարցվածներից միայն 6%, իսկ նվիրել գիրք` 9%-ը. Ընդհանուր առմամբ, հարցումը ցույց է տվել, որ քաղաքացիների ցանկությունները հաճախ չեն համընկնում հնարավորությունների հետ, կամ էլ տոնական նվերների վերաբերյալ նրանց պատկերացումներն են տարբեր: 5%-ը հաճույքով մեքենա նվեր կստանար, և ևս 5%-ը չէին հրաժարվի կենցաղային տեխնիկայից: Մի ամբողջ 1% չեն ամաչել բնակարան խնդրել, կամ էլ՝ նվերներից մեկին համարժեք գումար:
Սակայն այդքան գումար ծախսել ցանկացավ 0%-ը: Ինչ վերաբերվում է տոնական սեղանին, ապա, ինչպես արդեն նշվեց, նախապատվությունը կտրվի ավանդական տոլմային: Տոլմայի համար իրենց ձայները տվեցին հարցվածների 66%-ը: Անցյալ տարվա համեմատ նվազել է խոզի բդի պահանջարկը: Քաղաքացիների միայն 57%-ը կպատրաստի այն: Ամանորը առանց մսով լցոնած նրբաբլիթների չի պատկերացնում հարցվածների 56%-ը:
Աղցանային իր առաջատար դիրքերը չի զիջում «Մայրաքաղաքային աղցանը»: Այն, ինչպես եղել է սիրված և սպասված, այդպես էլ մնում է: Հետազոտության տվյալների համաձայն` քաղաքացիների 74%-ը չեն պատկերացնում տոնական սեղանն առանց մեր ընդհանուր խորհրդային անցյալի այս ժառանգության: 31%-ը հավով աղցան կպատրաստեն, սնկով՝ մի փոքր ավելի քիչ տոկոսը` 17%-ը, 12%-ը գերադասում են «Կեսար» աղցանը:
Հարցվածների 10%-ից ավելին հնարամիտ են և Ամանորի սեղանի համար կպատրաստեն աղցաններ, որոնք նշված չին առաջարկված ցանկում: Չեն զարմացրել նաև աղանդերի ընտրության առումով` ընտրելով հայկական ավանդական քաղցրավենիքներ` գաթա` 53%-ը, փախլավա` 47%-ը: «Նապոլեոն» հայտնի տորթը կարժանանա հարցվածների միայն 30%-ի ուշադրությանը, ևս 25% չի մնա առանց էկլեր: «Քաղցր» աութսայդեր դարձավ «Մրջնաբույնը», այն կպատրաստի հարցվածների միայն 3%-ը:
Նյութի ռուսերեն տարբերակը
