ԵՐԵՎԱՆ, 22 դեկտեմբերի — Sputnik. «Կայուն դպրոցական սնունդ» հիմնադրամը կստեղծվի ՀՀ կառավարության և Պարենի համաշխարհային ծրագրի կողմից իրականացվող «Կայուն դպրոցական սնունդ» ծրագրի շարունակության ապահովման ու զարգացման նպատակով:
Այս մասին համապատասխան որոշումն ընդունվեց դեկտեմբերի 22-ին կառավարության նիստում։
Մեր երկրում այսօր դպրոցական անվճար սնունդ է ստանում 1-3 դասարանի 83 000 աշակերտ: Դպրոցական սննդի զարգացման ծրագիրը Հայաստանում իրականացվում է 2010թ-ից և ընդգրկում է հայաստանյան բոլոր դպրոցները, բացառությամբ Երևան քաղաքի: Հանրապետության 10 մարզերից 7-ում ծրագիրը ֆինանսավորում են միջազգային դոնորները, 3-ում՝ Արարատում, Վայոց Ձորում, Սյունիքում, իսկ հաջորդ տարվանից նաև՝ Տավուշի մարզում՝ ՀՀ կառավարությունը:
Նյութի ռուսերեն տարբերակը
