ԵՐԵՎԱՆ, 19 դեկտեմբերի — Sputnik. Բողոքի ակցիայի մասնակիցների հայտարարության մեջ, մասնավորապես, ասվում է, որ Դինքի սպանության մանրամասները թաքցնելու և դատավարության՝ արդար պայմաններում իրականացման գործընթացը խանգարելու հարցում պետությունն ու ոճրագործները միասին են գործել: Այս մասին հայտնում է «Ակօս» պարբերականը:
«Հրանտի ընկերներ»-ը շեշտել են, որ դատախազության կողմից սպանության մեղքը միայն գյուլենականների վրա բարդելը խճճում է արդար դատավարության և անկողմնակալ վճռի հասնելու գործընթացը:
Նախաձեռնության անդամները նշել են, որ վերջին շրջանում` Թուրքիայում ստեղծված իրավիճակի ֆոնին, արդար դատավարության սպասումներն ու հույսերն անիրական են թվում։ Եվ չնայած դրան՝ Դինքի ընտանիքն ու դատավարությանը հետևող ակտիվիստները շարունակելու են արդարություն պահանջել: