ԵՐԵՎԱՆ, 26 հոկտեմբերի– Sputnik. Ստամբուլի հայկական «Ակոս» շաբաթաթերթի նախկին խմբագիր Հրանտ Դինքի սպանության գործով դատախազը 2 ոստիկանապետերի համար ցմահ ազատազրկում է պահանջել հաղորդում է news.am-ը:
Այս գործը հետաքննող դատախազը ցմահ ազատազրկում է պահանջել, մասնավորապես, ոստիկանության հետախուզության վարչության նախկին պետ Ռամազան Աքյուրեքի և հետախուզության նահանգային վարչության նախկին պետ Ալի Ֆուաթ Յըլմազերի համար:
Դինքի սպանության գործը հետաքննող դատախազը պատրաստել և գլխավոր դատախազություն է ներկայացրել Դինքի սպանության մեջ մեղադրվող բարձրաստիճան ոստիկանների հանդեպ ներկայացված մեղադրական եզրակացությունները։
Մեղադրական եզրակացության մեջ «դիտավորյալ սպանություն» մեղադրանքով ցմահ ազատազրկում է պահանջվել ոստիկանության հետախուզության վարչության նախկին պետ Ռամազան Աքյուրեքի և հետախուզության նահանգային վարչության նախկին պետ Ալի Ֆուաթ Յըլմազերի համար։
Ստամբուլի ոստիկանության նահանգային վարչության նախկին պետ Ջելալեթին Ջերահի և ոստիկանության հետախուզության վարչության նախկին պետ Սաբրի Ուզունի համար պահանջվել է 6 տարվա ազատազրկում՝ «պաշտոնը չարաշահելու» մեղադրանքով։
Հրանտ Դինքի սպանության գործով 2 ոստիկանապետեր կարող են ցմահ ազատազրկվել
14:30 26.10.2015 (Թարմացված է: 15:30 26.10.2015)
© Aparaj
Բաժանորդագրվել
Հրանտ Դինքի սպանության գործը հետաքննող դատախազը ցմահ ազատազրկում է պահանջել երկու ոստիկանապետերի համար
