ԵՐԵՎԱՆ, 15 դեկտեմբերի — Sputnik. Լևոն Հայրապետյանին ընդհանուր ռեժիմի գաղութում չորս տարվա ազատազրկման են դատապարտել Բաշկիրիայի նախկին սենատոր Իգոր Իզմեստևի մորից 700 հազար դոլար խաբեությամբ վերցնելու համար։ Դատախազը պահանջում էր գործարարին ազատազրկել յոթ տարով։
Կալանքի տակ են գործարարի բնակարանն ու բանկային հաշիվները։
Փաստաբան Դավիթ Խեչյանը հայտնել է, որ իր պաշտպանյալն արդեն փոխհատուցել է Իզմեստևի մորը, սակայն նրա ունեցվածքի վրա դրված կալանքը դեռ չի հանվել «Բաշնեֆթի» գործի պատճառով։
Քննության վարկածով` Լևոն Հայրապետյանն իր փաստաբան Սերգեյ Անտոնովի հետ 2010-ին խաբել է Բաշկիրիայի նախկին սենատորի մորը՝ Տամարա Իզմեստևային` խոստանալով նրա որդու համար ավելի մեղմ դատավճիռ ապահովել` գումարի դիմաց։
