ԵՐԵՎԱՆ, 12 դեկտեմբերի — Sputnik. Ռուս բռնցքամարտիկ, Ռիոյի օլիմպիադայի արծաթե մեդալակիր Միշա Ալոյանը «Խորհրդային սպորտին» տված հարցազրույցում պատմել է իր ոսկե մեդալը պաշտպանելու վճռականության մասին։
«Նման բաները չպետք է բռնցքամարտիկին հանեն հունից, խախտեն նրա մարզական ռիթմը։ Ոչ, ես լիովին գիտակցում եմ, թե հիմա ինչ է տեղի ունենում և հույս ունեմ հետ վերադարձնել մեդալը, քանի որ ես այն նվաճել են ազնիվ մարտում»,- ասել է նա։
Մարզիկը նշել է, որ հույս է ունեցել, թե Լոզանում դատարանն արդար կգտնվի, սակայն հաշվի չեն առնել ո՛չ իր, ո՛չ փաստաբանի փաստարկները։
«Վերջին շրջանում միջազգային հանրությունը շատ կանխակալ վերաբերմունք ունի ռուսաստանցի մարզիկների նկատմամբ։ Տեղ են գտնում քաղաքական խաղեր, տարաբնույթ ինտրիգներ… Մենք պայքարելու ենք, պաշտպանելու ենք մեր տեսակետը»,- ասաց Ալոյանը։
Պատասխանելով այն հարցին, թե տեղյա՞կ է` տեխնիկապես ինչպես է տեղի ունենում մարզիկից մեդալ «վերցնելու» գործընթացը, բռնցքամարտիկը նշել է. «Չգիտեմ, թե ինչպես է ընդունված։ Թող գան Սիբիր և տանեն մեդալը»։
