ԵՐԵՎԱՆ, 7 դեկտեմբերի — Sputnik. Ֆրանսիան առաջարկել էր, որ Հայաստանի և Ադրբեջանի արտգործնախարարները հանդիպեն Համբուրգում և քննարկեն Լեռնային Ղարաբաղի հարցը։ ՌԴ ԱԳՆ ներկայացուցիչ Մարիա Զախարովան հայտնել է, որ հանդիպման վերջնական պայմանավորվածություն դեռ չկա:
Ֆրանսիան առաջարկել է հանդիպումն անցկացնել 3+2 ձևաչափով (ՀՀ և Ադրբեջանի արտգործնախարարներ + ԵԱՀԿ ՄԽ համանախագահ երկրների արտգործնախարարներ):
«Մինչև օրս վերջնական պայմանավորվածություն դեռ չկա»,-ասել է Զախարովան:
Հանդիպումը նախատեսված էր ԵԱՀԿ անդամ երկրների ԱԳՆԽ նիստի շրջանակում, որը կայանալու է դեկտեմբերի 8-9-ը:
Ավելի վաղ ՀՀ ԱԳՆ ղեկավար Էդվարդ Նալբանդյանը հայտարարել էր, որ չի բացառում Ադրբեջանի արտգործնախարար Էլմար Մամեդյարովի հետ հանդիպման հնարավորությունը:
