ԵՐԵՎԱՆ, 7 դեկտեմբերի — Sputnik. Առանց սնանկացնելու «Նաիրիտը» փրկել հնարավոր չէր: Սնանկացումը «Նաիրիտի» առողջացման քայլերից մեկն է: Այսօր ԱԺ-ում, պատասխանելով ՀՎԿ պատգամավոր Հեղինե Բիշարյանի հարցին, հայտարարեց կառավարության աշխատկազմի ղեկավար-նախարար Դավիթ Հարությունյանը:
«Չէր գտնվի մի ներդրող, որը գումար ներդներ այն ընկերության մեջ, որը 100 մլն-ի պարտք ուներ»,- ասաց նա:
Հեղինե Բիշարյանի համոզմամբ՝ դատական գործընթացը, որի արդյունքում գործարանը սնանկ ճանաչվեց, միտումնավոր է արագացվել: Պատգամավորը հիշեցրեց, որ նախապես հունվարի 25-ին նշանակված դատական նիստը կայացավ նոյեմբեր 28-ին:
Դավիթ Հարությունյանը, սակայն, այս դիտարկման հետ չհամաձայնեց: Կառավարության աշխատկազմի ղեկավար-նախարարը նաև հայտարարեց, որ իր գոյության ամբողջ ժամանակահատվածում, անգամ խորհրդային տարիներին, «Նաիրիտը» երբեք օգուտով չի աշխատել:
