Բժշկին հատկապես տպավորել էր այն, որ աղջնակը զարդարվել էր, գլխին թագ դրել ու նույնիսկ հիվանդասենյակն էր զարդարել, որպեսզի Կուդզաևը չհեռանա։
Sputnik Արմենիան օգնեց բժշկին գտնել այդ աղջնակին։
Հետագայում Կուդզաևը ցանկացավ գտնել նաև իր մյուս հիվանդներին։
«28 տարի անց… գտնված երազը» ֆիլմն այն մարդկանց մասին է, որոնք փրկվել են Կազբեկ Կուդզաևի շնորհիվ։ Հերոսուհիներից մեկը մասնագիտության մեջ հաջողությունների հասած կին է, որն անհամբերությամբ է սպասում Կուդզաևի հետ հանդիպմանը։ Նկարահանումների ժամանակ նա չցանկացավ բացահայտել դեմքն ու ինքնությունը։
«Թագով աղջան» շատ լավ հիշեցին նաև Միքայելյան ինստիտուտում 88-ին սանիտար աշխատող՝ այսօր արդեն հեղինակավոր բժիշկներ, նույն ինստիտուտի միկրովիրաբույժ Սուրեն Թոփլաղալցյանը և ԵՊԲՀ ռեկտոր Արմեն Մուրադյանը։ Sputnik Արմենիան կազմակերպեց նաև նրանց հանդիպումը: Զարմանք, կարոտ, հուզմունք…
Սուրեն Թոփլաղալցյանը Sputnik Արմենիայի նկարահանող խմբին ուղեկցեց վիրահատական հենց այն բաժանմունքը, որտեղ 88-ի դեկտեմբերին կատարվում էին բարդ վիրահատություններ, կյանքի ու մահվան պայքար էր մղվում` հաշմանդամությունը կանխելու ու մարդկանց կյանքը փրկելու համար։
Աիդա Սարգսյանը Աղետից հետո Կուդզաևի շնորհիվ փրկվածներից մեկն է։ Նա երկրաշարժի հետևանքով կոնքազդրային ոսկրերի լուրջ վնասվածքներ էր ստացել: Կուդզաևի կատարած բարդ վիրահատությունից հետո կինն այսօր լիարժեք կյանքով է ապրում, երկու երեխայի մայր է։
Հյուսիսային Օսեթիայում բնակվող և բժշկության ոլորտում լուրջ հաջողություններ գրանցած Կազբեկ Կուդզաևը 1988 թվականի դեկտեմբերի 9-ին Կուրգանից շտապ ժամանեց Հայաստան։ Նրա հետ էր Իլիզարովի անվան վերականգնողական տրավմատոլոգիայի ու օրթոպեդիայի ինստիտուտի մասնագիտական խումբը։
10 օրվա ընթացքում` 33 վիրահատություն։ Կուդզաևին հաջողվեց 2 հիվանդի կյանք փրկել։
