Հրանտ Թոխատյան
Գյումրիում Ձմեռ պապի դերը դերասանն համարում է ամենածանրն իր կյանքում։ «Հասնելով տեղ հասկացանք, որ շատ ծանր է այդ ամենը։ Ես որպես ձմեռ պապ երեխաների հետ երգում ու պարում էի։ Ամենաահավորը այն էր, երբ մի երեխա հարցրեց` իսկ ճիշտ է, որ Ձմեռ պապը ցանկություններն է կատարում։ Առանց երկար մտածելու, ասեցի` իհարկե, բալիկ ջան։ Ու երեխաները սկսեցին ինձանից խնդրել իրենց կորցրած քույր-եղբայրներին, հայրիկ-մայրիկին»,-պատմում է Թոխատյանը։
1988թ-ի դեկտեմբերի 8-ին, Կամերային թատրոնի մյուս դերասանների հետ, Թոխատյանը մեկնել է Լենինական։ Այնտեղ մնացել է երեք օր, դրանից հետո ժամանել են պրոֆեսիոնալ փրկարարներ, և սիրողական խմբերը կամաց-կամաց լքել են աղետի գոտին, որպեսզի չխանգարեն նրանց։
