ԵՐԵՎԱՆ, 27 նոյեմբերի — Sputnik. Ահաբեկչությանը հակազդելուն ուղղված վարժանքներ անցկացվեցին Հայաստանում տեղակայված ռուսական ավիակայանում, հայտնում է ՀՌՕ մամուլի ծառայությունը:
«ՀՀ-ում տեղակայված ՀՌՕ ռուսական ավիակայանում ահաբեկչությանը հակազդելու ստորաբաժանումը ցուցադրական հատուկ մարտավարական զորավարժություն անցկացրեց: Վարժանքին ավելի քան 300 զինծառայող մասնակցեց», — նշել են ՀՌՕ մամուլի ծառայությունից:
Զինծառայողները վարժանքների ընթացքում առաջին անգամ մշակեցին ռազմավարական ռազմական օբյեկտում ահաբեկչական սպառնալիքը կանխելուն ուղղված գործնական գործողություններ (կործանիչների և բանակի ավիացիոն տեխնիկայի կայանատեղիում):
Հաղորդագրության համաձայն` ԱԹՍ-ների ստորաբաժանումը տեղանքի հետախուզություն է անցկացրել և պայմանական հակառակորդի կողմից ռազմական օբյեկի վրա հարձակում է հայտնաբերել:
Բացի այդ` զինծառայողները հաստիքային զենքից ոչ մարտական զինամթերքով իրականացրել են ՄիԳ-29 ինքնաթիռների ու Մի-24Պ և Մի-8ՄՏ ուղղաթիռների վրա հարձակման փորձ իրականացրած պայմանական հակառակորդի դիվերսիոն-հետախուզական խմբի վնասազերծման և ոչնչացման խնդիրը:
Ինչպես հայտնել են ՀՌՕ-ից, զորավարժությունների ավարտին զինծառայողները պայմանական վիրավորների տարհանում են իրականացրել` կիրառելով Մի-8ՄՏ ռազմատրանսպորտային ուղղաթիռը:
