ԵՐԵՎԱՆ, 18 նոյեմբերի-Sputnik. Ֆինանսների նախարարության «Գնագոյացման վերլուծական ինֆորմացիոն կենտրոն» ՊՈԱԿ-ի լուծարմամբ եղած դրամական միջոցները կուղղվեն պետական բյուջե։ Մնացած գույքն էլ կամրացվի նախարարության աշխատակազմին:
Ֆինանսների նախարարի տեղակալ Ատոմ Ջանջուղազյանն ասաց, որ վերոնշյալ գործընթացը հնարավորություն կտա 50 մլն դրամ կրճատել տարեկան բյուջետային միջոցների օգտագործումից:
Ֆինանսների նախարարության «Գների ուսումնասիրության և վերլուծության գործակալությունն իր 15 հաստիքով կկատարի լուծարված ՊՈԱԿ-ի գործառույթները։
Լուծարվեց նաև «Էկոնոմիկա հանդես» փակ բաժնետիրական ընկերությունը։ Վերջինի գործառույթները կիրականացնի ՀՀ ֆինանսների նախարարության աշխատակազմը:
