ԵՐԵՎԱՆ, 4 նոյեմբերի — Sputnik. Գերմանիայի թուրք պատգամավորներին վիրավորանք հասցնելու համար կայացված դատավճիռներն արդեն կայացվել են։ Պատգամավորների հասցեին մեղադրանքներ են սկսել հնչել այն ժամանակ, երբ նրանք կողմ են քվեարկել Հայոց ցեղասպանության ճանաչման բանաձևին։ Այս մասին հայտնում է Deutsche Welle-ը։
Բեռլինի վարչական դատարանը 600 եվրո տուգանք է սահմանել այն անձի համար, որը Facebook-ում «մարմնավաճառ է» անվանել Ձախ կուսակցության փորձագետ Սևիմ Դաղդելենին։
Մեկ ուրիշն էլ պետք է 700 եվրո վճարի «կանաչների» կուսակցության համանախագահ Ջեմ Օզդեմիրին «շան որդի» անվանելու համար։
Սևիմ Դաղդելենը ողջունել է դատարանի որոշումը։
«Լավ է, որ համացանցը ոչ իրավական գոտի չի համարվում։ Հուսով եմ, որ դատավճիռը զսպող գործոն կդառնա», — ասել է նա։
Ջեմ Օզդեմիրն իր հերթին դրական է անվանել այն փաստը, որ վիրավորանքներն ու սպառնալիքները հաճախ են սկսել քրեական պատասխանատվության առարկա դառնալ։
