ԵՐԵՎԱՆ, 4 նոյեմբերի —Sputnik. Թուրքիայի քրդամետ Ժողովուրդների դեմոկրատական կուսակցության (HDP) անդամ, հայ պատգամավոր Գարո Փայլանը իր կուսակիցների ձերբակալության վերաբերյալ հայտարարություն է արել։
«Մենք ապրում ենք 1915 թվականի ապրիլի 24-ը: Թույլ մի՛ տվեք, որ այդ ֆաշիստները ևս մեկ անգամ այրեն մեր երկիրը, մեր երիտասարդներին, մենք չենք խոնարհի մեր գլուխը»,- Twitter-ում գրել է Փայլանը։
Ընդհանուր առմամբ ձերբակալվել է Թուրքիայի քրդամետ Ժողովուրդների դեմոկրատական կուսակցության 16 պատգամավոր, որոնց թվում են նաև կուսակցության համանախագահներ Սելահաթին Դեմիրթաշը և Ֆիգեն Յուքսեքդաղը։
Դիարբեքիրի հանրապետական գլխավոր դատախազությունը հայտնել է, որ ձերբակալվածների դեմ հետաքննություն է իրականացվում «զինված ահաբեկչական խմբավորման անդամ լինելու, հանցագործություն կատարելուն դրդելու և ահաբեկչական խմբավորման քարոզչությունն իրականացնելու» մեղադրանքներով:
