ԵՐԵՎԱՆ, 2 նոյեմբերի — Sputnik. Նոյեմբերի 2-ի գիշերը մեքենաներ են արգելափակվել ձյան մեջ ու դուրս բերվել փրկարարների օգնությամբ, հայտնում են ԱԻՆ-ից։
Մասնավորապես` նոյեմբերի 2-ին` ժամը 05.56-ին, տեղեկություն է ստացվել, որ Գավառ-Նորատուս ավտոճանապարհի 4-րդ կմ-ին «Mercedes E320» մակնիշի 01 MM 041 պետհամարանիշով ավտոմեքենան արգելափակվել է ձյան մեջ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ, փրկարարներն արգելափակումից դուրս են բերել ավտոմեքենան:
Նոյեմբերի 2-ին` ժամը 02.10-ին տեղեկություն է ստացվել, որ Սևան-Գավառ ավտոճանապարհի 2-րդ կմ-ին «ГАЗель» մակնիշի ավտոմեքենան մերկասառույցի պատճառով դուրս է եկել ճանապարհի երթևեկելի հատվածից և արգելափակվել փոսի մեջ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Փրկարարները «ГАЗель» մակնիշի (վարորդ՝ Ռ. Խ.) 07 ՏՍ 378 պետհամարանիշով ավտոմեքենան դուրս են բերել ճանապարհի երթևեկելի հատված։
Նոյեմբերի 2-ին` ժամը 01.42-ին, ահազանգ է ստացվել, որ Կոտայքի մարզի Հրազդան քաղաքի Ռայկոմ թաղամասում գտնվող «Ֆլեշ» բենզալցակայանի մոտակայքում «ՎԱԶ-21014» մակնիշի ավտոմեքենան արգելափակվել է ձյան շերտում. անհրաժեշտ է փրկարարների օգնությունը: Դեպքի վայր է մեկնել հրշեջ-փրկարարական ջոկատի օպերատիվ խումբը: Փրկարարներն արգելափակումից դուրս են բերել «ՎԱԶ-21014» մակնիշի 35 AM 366 պետհամարանիշով (վարորդ՝ Դ. Հ.) ավտոմեքենան:
Նոյեմբերի 2-ին` ժամը 00.02-ին, տեղեկություն է ստացվել, որ Գավառ-Նորատուս ավտոճանապարհի 5-րդ կմ-ին «ГАЗель» մակնիշի ավտոմեքենան մերկասառույցի պատճառով դուրս է եկել ճանապարհի երթևեկելի հատվածից և արգելափակվել փոսի մեջ. անհրաժեշտ է փրկարարների օգնությունը։ Դեպքի վայր է մեկնել մեկ մարտական հաշվարկ:
Փրկարարները «ГАЗель» մակնիշի (վարորդ՝ Ս. Խ., 1 ուղևոր) 07 ՏՍ 378 պետհամարանիշով ավտոմեքենան դուրս են բերել ճանապարհի երթևեկելի հատված։
