ԵՐԵՎԱՆ, 25 հոկտեմբերի — Sputnik. Առաջիկա գիշերը և վաղն առավոտյան թաց ձյուն կտեղա Երևանի բարձրադիր գոտում, մասնավորապես՝ Ջրվեժ, Նորքի զանգված, Քանաքեռ հատվածներում:
Այս մասին Ֆեյսբուքի իր էջում գրել է ՀՀ ԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը:
ՀՀ արտակարգ իրավիճակների նախարարությունն ավելի վաղ հայտնել էր, որ այսօր առավոտյան Արագածոտնի մարզի Ծաղկահովիտ գյուղում, Տավուշի մարզի Նոյեմբերյան, Գեղարքունիքի մարզի Սեւան, Կոտայքի մարզի Հրազդան, Լոռու մարզի Ստեփանավան եւ Սպիտակ քաղաքներում ձյուն է տեղում:
