ԵՐԵՎԱՆ, 18 հոկտեմբերի — Sputnik. Ծաղկաձոր լեռնադահուկային հանգստավայրը մտնում է ԱՊՀ երկրների և մերձավոր արտասահմանի ամանորյա հանգստավայրերի ցանկում։ Այդ մասին վկայում են RoomGuru.ru հյուրանոցների որոնման ինտերնետային ծառայության հետազոտության տվյալները
Հնգյակի մեջ մտնում են նաև Չիմբուլակը (Ալմաթի, Ղազախստան), Գուդաուրը (Վրաստան), Լոգոյսկը (Մինսկ, Բելառուս), Շահդաղը Ադրբեջան)։
Ցանկը կազմվել է հյուրանոցների և առանձնատների որոնման տվյալների հիման վրա 2016թ-ի դեկտեմբերի 30-ից մինչև 2017թ-ի հունվարի 8-ը։ 10 լավագույն ռուսական լեռնադահուկային հանգստավայրերը, որոնք նախընտրելի են Ամանորի հանգստի համար, գլխավորել է Կրասնայա Պոլյանան (Սոչի, Կրասնոդարի երկրամաս), Շերեգեշը (Կեմերովոյի մարզ) և Դոմբայը (Կարաչաևո-Չերքեզիա)։
Ծառայության տվյալներով` լեռնադահուկային հանգիստն ամենաէժանն է Բելոկուրիխում, իսկ ամենաթանկը` Կրասնայա Պոլյանայում։
Forbes-ի համաձայն` Ծաղկաձորը մտնում է հետխորհրդային տարածքի 15 լավագույն լեռնադահուկային հանգստավայրերի ցանկի մեջ։ Այստեղ կարելի է դահուկով սահել դեկտեմբերից մարտ ամիսներին, դահուկային ուղիների ընդհանուր երկարությունը կազմում է 7200 մետր, կառուցվել է ավելի քան 50 ուղի, ամենաերկարը 8 կմ է։ Դահուկներից բացի` կարելի է զբոսնել ձնագնացներով։
