ԵՐԵՎԱՆ, 13 հոկտեմբերի — Sputnik. ՀՀ աշխատանքի և սոցիալական հարցերի նախարար Արտեմ Ասատրյանը վարչապետից հանձնարարականներ ստացավ։
«Հնարավորություն ընձեռել, որպեսզի կենսաթոշակ և նպաստ նշանակելու դիմումը ներկայացվի ցանկացած տարածքային բաժին` անկախ շահառուի հաշվառման վայրից։ Վերլուծել կենսաթոշակ և նպաստ նշանակելու գործընթացները և առաջարկություններ ներկայացնել դրանք օպտիմալացնելու ուղղությամբ»,- հանձնարարեց վարչապետը։
Նա հատուկ կարևորեց նաև երեխայի միանվագ նպաստի տրամադրման կարգում փոփոխություններ մտցնելը։ Այսուհետև երեխայի ծննդյան միանվագ նպաստի համար առցանց եղանակով դիմելու հնարավորություն պետք է ստեղծվի։
