ԵՐԵՎԱՆ, 13 հոկտեմբերի — Sputnik. ՀՀ վարչապետ Կարեն Կարապետյանը կարծում է, որ կրթական գործընթացում նախ պետք բացառվեն ազգակցական կապերի, հովանավորչության և շահերի բախման երևույթները։
«Օրինակ` մայր ու աղջիկ նույն դպրոցում են աշխատում։ Ես չեմ բացառում, որ կարող են լինել նման դեպքեր, բայց պետք է տարբերակել օբյեկտիվն ու սուբյեկտիվը»,- ասաց վարչապետը
Հաջորդ հանձնարարականը վերաբերում էր գյուղական համայնքների դպրոցներին։ Ըստ վարչապետի` շաբաթը մեկ անգամ հեռահաղորդակցային կապ պետք է իրականացնել դպրոցների հետ և որտեղ ուսուցիչների պակաս կա, հնարավորություն տալ երեխաներին այդ դասընթացներն իրականացնել:
«Կարծում եմ` ճիշտ բան ենք անում, լավ բան ենք անում և հետևողական ենք լինելու»,-ասաց նա:
Վարչապետը կրթության և գիտության նախարարին և ՀՀ մարզպետներին հանձնարարեց, իսկ Երևանի քաղաքապետին առաջարկեց 7-օրյա ժամանակահատվածում տեղեկություններ ներկայացնել դպրոցներում ազգակցական կապերի և շահերի բախման երևույթների բացառման ուղղությամբ:
