ԱՊՀ անդամ երկրների ատոմային էներգիայի խաղաղ նպատակներով օգտագործման հանձնաժողովի նիստի ընթացքում Սպասկին նշեց, որ հայկական ԱԷԿ-ի երկրորդ բլոկի շահագործման ժամկետի երկարացումը յուրահատուկ նախագիծ է ։
«Սա վիթխարի, աննախադեպ նախագիծ է։ ՀԱԷԿ-ն ատոմային գեներացիայի եզակի օբյեկտ է ջրային էներգետիկ ռեակտորի տեխնոլոգիայի, նախկին ԽՍՀՄ-ի տարածքում ստեղծված ողջ ատոմային համալիրի տեսանկյունից»,- ասաց նա։
Սպասկին խոստովանեց, որ իրենց համար դա յուրահատուկ նախագիծ է` թե՛ հեղինակության, թե՛ զգացմունքային, թե՛ քաղաքական, թե՛ տնտեսական առումներով։
ԱՊՀ անդամ երկրների ատոմային էներգիայի խաղաղ նպատակներով օգտագործման հանձնաժողովը ստեղծվել է 1997թ-ի հունվարին ԱՊՀ կառավարությունների ղեկավարների խորհրդի որոշմամբ։ Գործունեության նպատակն է ԱՊՀ երկրների ջանքերի համակարգումն է` ատոմային էներգետիկայի զարգացման ոլորտում բազմակողմանի համագործակցության խնդիրները համաձայնեցված լուծելու համար։ Հանձնաժողովի կազմում 8 պետության ներկայացուցիչ է ներառված (Հայաստան, Ադրբեջան, Բելառուս, Ղազախստան, Ղրղըզստան, Ռուսաստան, Տաջիկստան և Ուկրաինա)։
