Ռուս առաջնորդի դիմանկարով և «խաղաղապահ» գրությամբ 6x9մ չափի վահանակը տեղադրվել է կամրջի վրա Երևանի ժամանակով 22:30-ին:
Պաստառը կախված է մնացել մոտ մեկ ժամ, ավելի ուշ քաղաքային իշխանությունների ներկայացուցիչները հանել են այն: Ոստիկաններն ուսումնասիրում են տեսաձայնագրության տվյալները` այդ ապօրինի ակցիայի հեղինակին պարզելու համար:
Նմանատիպ ակցիա է անցկացվել նաև Գերմանիայի Դրեզդեն քաղաքում, որտեղ անհայտ անձինք գրաֆիտի են նկարել ՌԴ նախագահ Վլադիմիր Պուտինի պատկերով և գրառում թողել` «խաղաղապահը»։ Գրաֆիտի ն արվել է այն տան պատին, որտեղ 1980-ականների վերջին ապրել է ռուս առաջնորդը: Նկարը շուրջ երեք մետր բարձրություն ունի:
Մոսկվայի կամուրջներից մեկի վրա էլ Ռուսաստանի նախագահի դիմանկարով մեկ այլ պաստառ է հայտնվել, որում Պուտինը պատկերված է Սիրիայի դրոշի ֆոնին, դիմանկարի շրջանակի վրա ռուսերեն և արաբերեն գրված է. «Պուտին, շնորհակալություն խաղաղության համար»։
Մոսկվայի ակցիան կազմակերպել են սիրիացի ուսանողները: Նրանց խոսքով` իրենք շնորհակալ են աջակցության և ահաբեկչության դեմ պայքարում ցուցաբերած օգնության համար:
Ուրբաթ` հոկտեմբերի 7-ին, ռուս առաջնորդը դարձավ 64 տարեկան:
