ԵՐԵՎԱՆ, 8 հոկտեմբերի — Sputnik. Սուրբ Հարություն եկեղեցին կառուցվել է Տվերի հայերի հանգանակությունների հաշվինմիջոցով: Այս քաղաքում հայերի թիվը հասնում է 13 հազարի:
Ինչպես հայտնում է Տվերի տեղեկատվական գործակալությունը, շինարարական աշխատանքների համար ծախսվել է շուրջ 60 մլն ռուբլի: Կարմիր հրաբխային տուֆն ու բազալտը, որոնք օգտագործվել են եկեղեցու կառուցման ժամանակ, տարվել են Հայաստանից:
Հոկտեմբերի կեսերին Սուրբ Հարություն եկեղեցում նաև կիրակնօրյա դպրոց կգործի, նախատեսվում է շախմատային ակումբ է նախատեսվում բացել, ինչպես նաև դերասանական վարպետության, հայոց լեզվի ուսուցման, պատմության, գրականության և ձեռագործ աշխատանքների դասընթացներ կազմակերպել:
Եկեղեցու վանահայր Ներսես քահանա Խանանյանը հույս է հայտնել, որ եկեղեցին Տվերում և Տվերի շրջանում բնակվող հայերի հոգևոր, կրոնական, մշակութային և ազգային կյանքի կենտրոն կդառնա:
«Եկեղեցու բացումը որակապես կփոխի համայնքի ներքին կյանքը: Ուզում եմ՝ մարդիկ մեր վանքի դարպասներից ներս մտնելիս հասկանան, որ այստեղ այլ արժեքներ են՝ հավասարություն, եղբայրություն, սեր միմյանց հանդեպ», — ասել է քահանան:
