ԵՐԵՎԱՆ, 7 հոկտեմբերի — Sputnik. Կտեսնենք արդյունք՝ կտանք գնահատական. այսօր Աժ-ում, պատասխանելով նոր կառավարության մասին լրագրողների հարցին, ասաց Ազգային Ժողովի ԲՀԿ խմբակցության պատգամավոր Լյովա Խաչատրյանը:
«2000 տարի առանց տեսնելու հավատացել ենք, բայց հիմա արդեն կտեսնենք, նոր կհավատանք, կլինի արդյունք՝ կտանք գնահատական»,-ասաց նա:
Ինքը՝ պատգամավորը, ցանկանում է տեսնել կուտակված խնդիրների լուծման գործընթաց:
«Ես կցանկանայի այս կառավարության կողմից տեսնել գրաֆիկը, ճանապարհային քարտեզը, որտեղ մատնանշված կլինեն կոնկրետ խնդիրներն ու լուծման կոնկրետ ժամանակացույցը»,-ասաց նա:
