ԵՐԵՎԱՆ, 7 հոկտեմբերի — Sputnik, Լաուրա Սարգսյան. Ամերիկացի երգիչ և կոմպոզիտոր Դանիել Դեքերը իր առաջիկա ելույթը, որը տեղի կունենա հոլտեմբերի 10-ին Արամ Խաչատրյանի անվան համերգասրահում, նվիրում է հայ ժողովրդին և, անկախ լեզվական խոչընդոտներից, բոլոր ստեղծագործությունները կակտարի հայերեն։
«Իմ հերթական այցը Հայաստան կապված է առաջիկա համերգի հետ։ Սա փոքրիկ նվեր է հայ ժողովրդին», — ասաց Դեքերը։
Եվ, իսկապես, Դեքերը բազմիցս եղել է Հայաստանում, նույնիսկ հայ է համարում իրեն, անկախ նրանից, որ ամերիկացի երգիչը հայկական արմատ չունի։
Վերջին անգամ նա ժամանել էր Հայաստան սատարելու հայ ժողովրդին՝ 2016 թվականի ապրիլին ղարաբաղյան հակամարտության սրացման հետ կապված։
Երգչի խնդրանքով, անցյալ տարի նրան ՀՀ քաղաքացիություն է շնորհվել նախագահ Սերժ Սարգսյանի հրամանով։
«Սիրում եմ Հայաստանը, հատկապես ինձ տպավորել են Խոր Վիրապն ու Գառնին։ Գերադասում եմ մշակույթի և պատմության փոխգործակցության մեջ գտնվել», — ասաց Դեքերը։
Նա խոստովանեց, որ իսկական հայի նման, շատ է սիրում խորոված։
ԱՄՆ վերադառնալիս, երգիչն անպայման իր հետ ազգային զարդանախշերով հուշանվերներ է տանում ։
Երգչի ստեղծագործական ուղին սկսել է մանկուց, և այսօր նա առանց երաժշտության չի պատկերացնում իրեն։
Երևանում կայանալիք համերգին Դանիելը, հավանաբար, կերգի «Արաքս» երգը, որը կատարելու համար երկար ժամանակ է աշխատել։
«Հուսով եմ, որ հայ ժողովուրդը մի օր Արաքսի երկու կողմերում կլինի», — նշեց Դեքերը։
Դեքերի հետ միասին, համերգին կմասնակցեն հայտնի թուրքահայ երգչուհի Սիբիլը, The Beautified Project խմբի մեներգիչ Անդրե Սիմոնյանը։
