ԵՐԵՎԱՆ, 6 հոկտեմբերի — Sputnik. Հայաստանում այսուհետ մինչև 2 տարեկան երեխայի խնամքի նպաստը յուրաքանչյուր ամսվա համար կտրվի մինչև տվյալ ամսվա վերջը։
Կառավարությունում որոշվեց` մինչև երկու տարեկան երեխաների սեպտեմբեր-հոկտեմբեր ամիսների նպաստի վճարը կտրվի միաժամանակ։
«Տեղեկացնենք, որ հոկտեմբեր ամսվա վճարման ցուցակում ներառվել են նաև այն գործերը, որոնց նպաստ ստանալու իրավունքը ենթակա է դադարեցման 2016 թվականի հոկտեմբերի 1-ից: Այս դեպքում 2016 թվականի սեպտեմբեր ամսվա նպաստի գումարը (առկայության դեպքում՝ նաև չվճարված նպաստի գումարը) ցուցակում ներառվել է որպես անցողիկ գումար»,- նշված է հաղորդագրության մեջ։
