ԵՐԵՎԱՆ, 6 հոկտեմբերի — Sputnik. Մոսկվա քաղաքի արտաքին տնտեսական և միջազգային կապերի դեպարտամենտի հոգաբարձուների խորհրդի նիստի ընթացքում 15 հայ ուսանող կստանա Մոսկվայի քաղաքապետի կրթաթոշակ, հաղորդում է Երևանում «Մոսկվայի տուն» մշակութային-գործարար կենտրոնի մամուլի ծառայությունը։
«Մոսկվայի քաղաքապետի կրթաթոշակ» ծրագրի հարցերով հոգաբարձուների խորհուրդը կներկայացնի այն ուսանողների անունները, որոնք ընտրվել են 2015-2016թթ. ուսումնական տարվա արդյունքներով` արտասահմանում հայրենակիցների նկատմամբ պետական քաղաքականության իրականացման ոլորտում միջոցառումների ծրագրի իրագործման շրջանակում։
Գլխավոր չափանիշը ռուսերեն լեզվով ուսուցումն է, լավ սովորելը, հասարակական ակտիվությունը և ուսանողի նյութական դրությունը։
«Ծրագիրն իրականացվում է հայրենակից ուսանողների համար Լատվիայում, Լիտվայում, Էստոնիայում, Ադրբեջանում, Մոլդովայում, Մերձդնեստրում, Հայաստանում», — ասվում է հաղորդագրությունում։
Նիստի ընթացքում, որը տեղի կունենա հոկտեմբերի 7-ին Երևանում «Մոսկվայի տուն» կհրավիրվեն հոգաբարձուների խորհրդի անդամները, Հայաստանի Հանրապետությունում Ռուսաստանի դեսպանատան ներկայացուցիչներ, ինչպես կրթաթոշակառու ուսանողները։
