ԵՐԵՎԱՆ, 6 հոկտեմբերի — Sputnik. Սիրիայում գործող ռուսական կենտրոնը Հայաստանի հետ համատեղ 5.5 տոննա մարդասիրական օգնություն է փոխանցել Լաթաքիայի բնակիչներին, հայտնում է ՌԻԱ Նովոստին` հղում անելով կենտրոնի հրապարակած հաղորդագրությանը։
«Ռուս-հայկական համատեղ ակցիայի ընթացքում Լաթաքիա քաղաքի բնակիչներին շուրջ 5.5 տոննա սննդամթերք է փոխանցվել` շաքարավազ, ալյուր, բրինձ, թեյ, պահածոներ», — գրված է Ռուսաստանի ՊՆ-ի կայքում հրապարակված հաղորդագրության մեջ։
Սիրիայում սահմանված հրադադարի ռեժիմի 7-օրյա ժամկետը լրացել է սեպտեմբերի 19-ին։ Ռուս-ամերիկյան պայմանավորվածությունների փաթեթը ուժի մեջ է մտել սեպտեմբերի 12-ին։ ՌԴ ՊՆ-ն ավելի վաղ հայտնել էր, որ հրադադարի ռեժիմը պահպանել են միայն սիրիական զորքերը, իսկ գրոհայինները խախտել են այն։
