ԵՐԵՎԱՆ, 6 հոկտեմբերի — Sputnik. ՀՀ պաշտպանության նորանշանակ նախարար Վիգեն Սարգսյանը հայտնեց, որ Հայաստանն արդեն 4 մլրդ 204 մլն ռուբլի ընդհանուր գումարով 6 պայմանագիր է կնքել Ռուսաստանի հետ։
Ֆինանսավորումը չկատարելու դեպքում Ռուսաստանը կարող է վերանայել մատակարարման գները։
«Նշված համաձայնագրի առաջին հոդվածի երրորդ կետի պահանջների համաձայն` հայկական կողմից հօգուտ Ռուսաստանի լիազորված կազմակերպությունների իրականացվում են կանխավճարային վճարումներ յուրաքանչյուր պայմանագրի արժեքի ոչ պակաս, քան 10 տոկոսի չափով»,– ասաց Սարգսյանը։
Հիշեցնենք, որ համաձայնագրով տրամադրված պետական արտահանման 200 մլն դոլարի վարկի շրջանակում ՀՀ ՊՆ կարիքների համար ձեռք է բերվում ռազմատեխնիկական նշանակության ապրանքներ, անհրաժեշտ ինժեներական և ավտոմոբիլային տեխնիկա:
