ԵՐԵՎԱՆ, 3 հոկտեմբերի — Sputnik. Երկու դիմակավորված անձինք Փարիզում ներխուժել են ամերիկյան ռեալիթի-շոուի աստղ, բարձրաշխարհիկ հասարակության ներկայացուցիչ Քիմ Քարդաշյանի հյուրանոցային համար, հաղորդում է ՌԻԱ Նովոստին` հղում անելով NBC հեռուստաալիքին։
Դեպքը տեղի է ունեցել կիրակի Փարիզի հյուրանոցներից մեկում, որտեղ Քարդաշյանը Նորաձևության շաբաթի ընթացում հանգրվանել էր մոր և քույրերի հետ։ Հարձակվողները ոստիկանի հագուստով են եղել և Քարդաշյանին սպառնացել են զենքով։
Նրա ամուսին Քանյե Ուեսթը, իմանալով պատահարի մասին, դադարեցրել է Նյու Յորքում իր համերգը, հաղորդում է հեռուստաալիքը։ Հայտնի է, որ Քարդաշյանը վիրավոր չէ, բայց խիստ վախեցել է։
