ԵՐԵՎԱՆ, 7 ապրիլի — Sputnik. ԱՄՆ-ում Ադրբեջանի դեսպանին կարծես նյարդայնացրել է Քիմ Քարդաշյանի` Ինստագրամում արած գրառումը։ Քարդաշյանը վերջերս լուսանկար էր հրապարակել, որը զուգակցել էր հետևյալ գրառմամբ.
«Աղոթում եմ բոլորի համար Հայաստանում ու ամբողջ աշխարհում»։
Ի պատասխան այդ գրառման` Էլին Սուլեյմանովն ասել է.
«Քիմ Քարդաշյանը չպետք է արտահայտվի ղարաբաղյան հակամարտության թեմայով։ Օրինակ` ես ռեալիթի շոուի շատ վատ աստղ կլինեի։ Այդ պատճառով էլ աշխատում եմ չմտնել այն թեմաների մեջ, որոնք ինձ անծանոթ են։ Ես վստահ չեմ, որ Քարդաշյանը ռազմական կամ քաղաքական փորձագետ է։ Մենք պետք է զբաղվենք նրանով, ինչը մեզ մոտ լավ է ստացվում»։
Հակառակ նրա կարծիքի` լուսանկարը հրապարակելուց անմիջապես հետո 490 հազար մարդ արձագանքել է։ Տեղեկացնենք, որ հեռուստաաստղն ունի 61 միլիոն հետևորդ։
