ԵՐԵՎԱՆ, 2 հոկտեմբերի — Sputnik. Հալեպի հյուսիս-արևմուտքում գտնվող Շկեյֆ շրջանը ազատագրվել է սիրիական բանակի և քրդական ինքնապաշտպանական ուժերի (ՔԻՈՒ) համատեղ ջանքերի օգնությամբ, հայտնում է ՌԻԱ Նովոստին:
«Սիրիական բանակն ու ՔԻՈՒ-ն կարողացան կոտրել ահաբեկիչների պաշտպանությունը և ազատագրել Հալեպի հյուսիս-արևմուտքում գտնվող Շկեյֆ շրջանը, այդպիսով մենք հետ շպրտեցինք նրանց Հալեպի մատակարարման հյուսիսային շրջանից էլ ավելի հեռու», — գործակալությանն է հայտնել զրուցակիցը:
Աշխարհազորայինների տվյալներով` կառավարական զորքերն ու քրդերը միաժամանակ են գրոհն իրականացրել երկու կողմից: Ներկա պահին շարունակվում է շենքերի մաքրումը:
Շկեյֆ շրջանից ահաբեկիչներին հեռացնելը հնարավոր դարձավ Քինդի հոսպիտալի տարածքն ու Հալեպի հյուսիս-արևմուտքում գտնվող Հանդարատ պաղեստինյան ճամբարն ազատագրելուց հետո, որոնք գտնվում են քաղաքի մատակարարման հյուսիսային ճանապարհի մոտ:
