ԵՐԵՎԱՆ, 28 սեպտեմբերի — Sputnik. Հայկական խորովածի մասին վավերագրական ֆիլմ նկարահանելու գաղափարը Սալեհի և Թաքերի մոտ ծնվեց 12 երկիր, այդ թվում` Հայաստան այցելելուց հետո, հայտնում է rusarminfo-ն։
Ռեժիսորները եկել են այն եզրակացության, որ խորովածն ավելին է, քան պարզապես կերակուրը։ Նրանց խոսքով` ամեն ժողովուրդ այս ուտեստի մեջ իր պատմության, մշակույթի և հումորի մի փոքրիկ մասնիկն է ներդնում։
«Երբ մենք որոշեցինք` որ երկրներն ենք այցելելու, համացանցում հետաքրքիր տեսահոլովակի հանդիպեցինք, որտեղ պապիկը խորոված է պատրաստում` խոսելով այն մասին, որ հայկական խորովածը ամենալավն է։ Այդ տեսանյութը հավաքել էր ավելի քան 5 մլն դիտում», — պատմեցին կինեմատոգրաֆիստները։
Բացի Հայաստանից` Սալեհն ու Թաքերը եղել են Շվեդիայում, Ֆիլիպիններում, Մոնղոլիայում, Հարավային Աֆրիկայում, Սիրիայում, Հորդանանում, Ճապոնիայում, Ավստրալիայում, Նոր Զելանդիայում, Ուրուգվայում և Մեքսիկայում։
