ԵՐԵՎԱՆ, 27 սեպտեմբերի — Sputnik. Նախաբացթողումային հսկողության վարչության աշխատակիցները «Մերսեդես Բենց» մակնիշի ավտոմեքենայի սրահում նախապես պատրաստված թաքստոցից հայտնաբերել են մաքսային հսկողությունից թաքցված «LG» ապրանքանիշի շուրջ 250 բջջային հեռախոս։ Այս մասին տեղեկացնում է ՀՀ կառավարությանն առընթեր պետեկամուտների կոմիտեի մամուլի ծառայությունը։
Մաքսանենգ ապրանքի հայտնաբերումից անմիջապես հետո մեքենայի վարորդը խոստովանել է, որ ավտոմեքենայի առաջնամասում ևս թաքցրել է նույն ապրանքանիշի 48 հեռախոս` մաքսային ձևակերպումներից խուսափելու նպատակով:
