ԵՐԵՎԱՆ, 21 սեպտեմբերի — Sputnik. Հայաստանի անկախության 25-ամյակի առթիվ հայտնի ամերիկահայ ռոք-երաժիշտ Սերժ Թանկյանը կոչ է արել աջակցել Հայաստանում դրական հասարակական բարեփոխումների անցկացմանը։
«Ընկերներ (Հայաստանում և ամբողջ աշխարհում գտնվող), այսօր Հայաստանի անկախության 25-ամյակն է։ Մենք պետք է օգտվենք այս հնարավորությունից, որպեսզի նշենք այս փոքր, սակայն հրաշալի ազգի որոշ հաջող ձեռքբերումներ և ուշադրություն դարձնենք հուզող հարցերի լուծմանը», — նշեց Թանկյանը։
Նա նշել է, որ անկախությունը ամենակարևոր դերը չի խաղում այն դեպքում, երբ բնակչության ճնշող մեծամասնությունը դժգոհ է։
«Այդ իսկ պատճառով ես և մի խումբ մարդիկ հայտարարություն ենք նախապատրաստել Հայաստանի ժողովրդին ի աջակցություն և նրան կոչ ենք անում գործել հանուն հասարակական բարեփոխումների և դրական փոփոխությունների։ Խնդրում եմ, անուշադրության մի մատնեք այս հղումը», — գրել է երաժիշտը։
