ԵՐԵՎԱՆ, 18 սեպտեմբերի — Sputnik. Էջմիածին քաղաքում սեպտեմբերի 18-ին կայացած տեղական ինքնակառավարման մարմինների ընտրություններում չափազանց պասիվ մակնակցություն է արձանագրվել։ Գրանցված ընտրողների մոտ 36 տոկոս է մասնակցել քվեարկությանը:
Այդ կերպ, թերևս, էջմիածինցիներն իրենց վերաբերմունքն են արտահայտել հարազատ քաղաքում քրեական հանցագործություններով ուղեկցվող ընտրությունների նկատմամբ։
Կենտրոնական ընտրական հանձնաժողովի հրապարակած նախնական տվյալների համաձայն, գործող քաղաքապետ Կարեն Գրիգորյանը՝ գեներալ Մանվել Գրիգորյնաի որդին, ստանալով 10587 ձայն, կշարունակի պաշտոնավարել։
Նրա մրցակից Արթուր Թումանյանի օգտին քվեարկել է 3651 անձ: Անճշտությունների չափը կազմել է 5 քվե:
