ԵՐԵՎԱՆ, 19 սեպտեմբերի — Sputnik, Լաուրա Սարգսյան. Երևանում Արգենտինական կինոյի օրերը մեկնարկեցին «Սպասազանգ» դրամայի ցուցադրությամբ։ Սա Հայաստանում Արգենտինայի հյուպատոս Ադրիանա Տրոտայի կազմակերպած վերջին միջոցառումն էր։ Տրոտան հայ-արգենտինական մշակութային ոլորտի զարգացման պատասխանատուն էր։
«Ես սիրեցի Հայաստանն ու մարդկանց։ Իմ դիվանագիտական առաքելությունը, որը սկսվել է երկու տարի առաջ, ինձ համար շատ արագ ավարտվեց։ Կկարոտեմ Հայաստանը և ինձ հետ կտանեմ արծաթից պատրաստված ոսկերչական գործեր ու հայկական մի գորգ», — Sputnik Արմենիայի թղթակցի հետ զրույցում ասաց Տրոտան։
Նրա խոսքով` Հայաստանում գիտեն մարդկային հարաբերությունների ու մարդու արժեքը, ու հայերի այդ հատկությունն անչափ դուր է գալիս նրան։
«Հայաստանում իմ դիվանագիտական առաքելության ժամկետը համընկավ Հայաստանում տեղի ունեցող կարևոր իրադարձությունների հետ. Հռոմի Ֆրանցիսկոս պապի այցը, Հայոց ցեղասպանության 100-րդ տարելիցը և Անկախության 25-ամյակը», — նշեց Տրոտան։
Հայաստանում Արգենտինայի արտակարգ և լիազոր դեսպան Գոնսալո Ուռիոլաբեիտիան նշեց, որ նրա հրաժեշտը գեղեցիկ էր, իսկ միջոցառումն էլ` դիվանագիտական առաքելության արժանի ավարտ։
![Дни аргентинского кино в Армении. Посол и консул Аргентины в Армении Гонсало Уриолабеитиа и Адриана Тротта Дни аргентинского кино в Армении. Посол и консул Аргентины в Армении Гонсало Уриолабеитиа и Адриана Тротта - Sputnik Արմենիա](https://cdn.am.sputniknews.ru/img/493/32/4933263_0:0:1600:1143_600x0_80_0_0_b22f32cac4a7979ef3bc9ee9b1dfbab0.jpg)
«Կինեմատոգրաֆիան գիտության այն ճյուղն է, որը թույլ է տալիս ավելի լավ ճանաչել միմյանց։ Որքան շատ նման փառատոներ անցկացվեն մեզ մոտ, մեր ժողովուրդն այնքան ավելի շատ կիմանա Արգենտինայի նման հիասքանչ երկրի մասին», — ասաց ՀՀ ԱԳՆ Ամերիկայի վարչության պետ Արման Հակոբյանը։
![Дни аргентинского кино в Армении. Начальник департамента стран Америки министерства иностранных дел Армении Арман Акопян Дни аргентинского кино в Армении. Начальник департамента стран Америки министерства иностранных дел Армении Арман Акопян - Sputnik Արմենիա](https://cdn.am.sputniknews.ru/img/493/34/4933432_0:0:1600:1213_600x0_80_0_0_3321c0154a6e26b1b22a66a20fb7530c.jpg)
Արգենտինական կինոյի փառատոնը պաշտոնապես պետք է ավարտվեր սեպտեմբերի 23-ին, սակայն, քանի որ վաղը ֆիլմի երկրորդ ցուցադրությունը չի կայանալու, ապա հանդիսատեսը կկարողանա այն դիտել շաբաթ օրը։ Ֆիլմերը ցուցադրվում են ամեն օր, ժամը 20։00-ին։ Մուտքն անվճար է։ Ֆիլմը սոցիալական տարբեր խնդիրներ է արծարծում, շոշափում է հասարակության մեջ կնոջ ունեցած դերն ու ծնողների առաքելության թեման։
«Սպասազանգ» առաջին ֆիլմը պատմում է այն մասին, թե ողբերգական պայմաններում արգենտինացիներն ինչպես են գնահատում ու հասկանում կյանքը։